საბადოთა დამუშავების და სამთო გეოტექნიკის ლაბორატორია

ლაბორატორიის უფროსი - აკადემიური დოქტორი ნიკა ბოჭორიშვილი

საბადოთა დამუშავების და სამთო გეოტექნიკის ლაბორატორია სტრუქტურულად შედის მიწისქვეშა ნაგებობათა მშენებლობისა და სამთო ტექნოლოგიების ცენტრში.

ძირითადი სამეცნიერო მიმართულებები:

მიწისქვეშა ნაგებობების დაპროექტებისა და მშენებლობის საინჟინრო და გეომექანიკური პრობლემები;
სასარგებლო წიაღისეულის საბადოთა დამუშავების სისტემებისა და ტექნოლოგიების სრულყოფა;
ბუნებრივი და ხელოვნური მიწისქვეშა სივრცეების ათვისებისა და გამოყენების პრობლემები;
ბუნებრივი და ტექნოგენური მეწყერსაშიში ფერდობების მდგრადობის გეომექანიკური პრობლემები;
ნახშირის მიწისქვეშა გაზიფიკაციის ტექნოლოგიების კვლევა;
სამთო მოპოვებითი მრეწველობის გარემოს დაცვითი, შრომისა და საინჟინრო-ტექნიკური უსაფრთხოების პრობლემები.

მატერიალურ-ტექნიკური ბაზა:


DJI Mavic 2 Pro	DJI Phantom 4	GoPro 10


MotionBLITZ Cube 7	Blaster’s Ranger	MotionBLITZ mini2

სამეცნიერო საგრანტო პროექტები:

№216968 „აეროზოლური ტერორიზმის პრევენციის მეთოდების დამუშავება თბილისის მეტროს ვენტილაცისათვის“ (30.11.2016-29.11.2018) - პროექტის ხელმძღვანელი ო.ლანჩავა, დამფინანსებელი: შოთა რუსთაველის ეროვნული სამეცნიერო ფონდი.

რას ვთავაზობთ?:

სამთო, სატრანსპორტო, ჰიდროტექნიკური, კომუნალური, თავდაცვის და სხვა დანიშნულების მიწისქვეშა ნაგებობების სტატიკურ და დინამიკურ დატვირთვებზე გაანგარიშება და დაპროექტება.
სასარგებლო წიაღისეულის საბადოთა დამუშავების პროექტების მომზადება;
სამთო საწარმოთა რეაბილიტაციის საინვესტიციო პროექტების მომზადება;
ზედაპირებისა და ინფრასტრუქტურული ობიექტების სამთო სამუშაოების გავლენისაგან დაცვის და რეკულტივაციის პროექტების მომზადება;
მეწყერსაშიში ფერდობების მდგრადობის შეფასებისა და მისი უზრუნველყოფის საშუალებათა გაანგარიშება;
ბუნებრივი (მღვიმეები) მიწისქვეშა სივრცეების სტატიკურ და დინამიკურ დატვირთვებზე გაანგარიშება და მისი, როგორც ტურისტულ რეკრეაციული ინფრასტრუქტურის გამოყენებადობის დასაბუთება;
აფეთქებით გამოწვეული სეისმური ტალღების რეგისტრაციას და შენობა-ნაგებობებზე მათი ზეგავლენის დადგენა;
მიწისქვეშა სივრცეების და ზედაპირების 3D ფოტოგრამეტრია და აგეგმვა.