02.11.2017 |  „მდგრადი ინდუსტრიული განვითარების სამიტში“, კანკუნი, მექსიკა, 22-26 ოქტომბერი

    ინსტიტუტის დირექტორმა, ნიკოლოზ ჩიხრაძემ მონაწილეობა  მიიღო 2017 წ. „მდგრადი ინდუსტრიული განვითარების სამიტში“, რომელიც ჩატარდა 22-26 ოქტომბერს მექსიკის ქალაქ კანკუნში. ღონისძიებაზე იგი მიწვეული იყო სამიტის საერთაშორისო კომიტეტის წევრის, მარკისის სიმპოზიუმის თანათავმჯდომარის და ორი სამეცნიერო სესიის თავმჯდომარის სტატუსით.

         სამიტის და სიმპოზიუმის მუშაობაში მონაწილეობდნენ აშშ-ის ქიმიკოსთა საზოგადოების პრეზიდენტი პროფ. დონა ნელსონი და  ნობელის პრემიის ლაურეატები:

        ადა იონათი - 2009 წ. ნობელის პრემია ქიმიის დარგში;

        დან შეხტმანი - 2011 წ. ნობელის პრემია ქიმიის დარგში;

        ფერიდ მურადი -1998 წ. ნობელის პრემიის ლაურეატი მედიცინის და ბიოქიმიის დარგში.

   სამიტის პროგრამით ჩატარდა ექვსი სახელობითი სამეცნიერო სიმპოზიუმი, რომლებიც მიეძღვნა ცალკეული მიმართულებით მსოფლიოში აღიარებულ მეცნიერებს.

       სამიტის ფარგლებში ახალი მასალების თემატიკას მიეძღვნა „მარკისის საერთაშორისო სიმპოზიუმი: ახალი, მოწინავე მასალებში და ტექნოლოგიები ენერგეტიკის, გარემოს და მდგრადი განვითერებისთვის“.

       საორგანიზაციო საქმიანობასთან ერთად ნიკოლოზ ჩიხრაძის მიერ სიმპოზიუმის პლენარულ სესიებზე გაკეთდა სამი მოხსენება:

• Hybrid – Fiber Reinforced Composites for Small Wind Energy Systems (N. Chikhradze, F. Marquis, G. Abashidze).

• Syntheses and Mechanical Alloying of Ti-Al-B-C powders (M. Chikhradze, F. Marquis, N. Chikhradze).

• Dynamic Impact Factor During Test of Cylindrical Shape Samples Under Shock Load (L. Japaridze, N. Chikhradze, F. Marquis).

გრიგოლ წულუკიძის სამთო ინსტიტუტი © 2003  ყველა უფლება დაცულია