მოხსენების მიზანი იყო სამთო ინსტიტუტში დამუშავებული მიდგომის – ბაგირისა და ღეროს დისკრეტული მოდელის და ძალთა რელაქსაციის მეთოდის არსისა და მუშაობის პრინციპის გაცნობა და გარკვევა თუ რამდენად შესაძლებელია მისი გამოყენება სამშენებლო მექანიკის ზოგი ამოცანის კვლევისას და დამუშავებისას.

     კერძოდ აქცენტი გაკეთდა შენობის ქცევის მოდელირების შესაძლებლობაზე სეისმურ ან მიზანმიმართული აფეთქებით გამოწვეულ ზემოქმედებაზე.

      მომხსენებელმა დეტალურად აღწერა მის მიერ დამუშავებული და შემოთავაზებული მიდგომის წარმოშობა, მისი გამოყენებით ბაგირგზების ბაგირ - ღეროვანი სტრუქტურების სტატიკისა და დინამიკის გამოკვლეული და გადაჭრილი

ამოცანები. მან აღნიშნა, რომ ბაგირთა სისტემების დინამიკის, აგრეთვე კოსმოსური ჰანტელური სისტემების დინამიკის კვლევისას დაგროვილი გამოცდილება და მიღებული შედეგები იძლევა საფუძველს აღნიშნული მიდგომის გამოყენების შესაძლებლობა მოისინჯოს აგრეთვე შენობებზე სეისმური ზემოქმედების პროცესების გამოკვლევისას.

    მოხსენების დასრულების შემდეგ გამართული დისკუსიის დროს   შეკითხვები დასვეს და აზრი გამოთქვეს: ბატონებმა გ.გაბრიჩიძემ, კ.ჩხიკვაძემ, ჯ.ესაიაშვილმა, ს.გოგმაჩაძემ. აღინიშნა, რომ მოხსენებაში გაშუქებული იყო საინტერესო და აქტუალური საკითხები და მიზანშეწონილია გაგრძელდეს ურთიერთობა და მოსაზრებათა გაზიარება შემოთავაზებული მიდგომის სამშენებლო მექანიკის და სეისმომედეგობის ამოცანათა კვლევისას გამოყენების შესაძლებლობათა უკეთ გასარკვევად.