23.12.2010 |  საქართველოს მექანიკოსთა კავშირის პირველი კონფერენცია ივანე ჯავახიშვილის

                          სახელობის თბილისის სახელმწიფო უნივერსიტეტის ილია ვეკუას სახელობის

                          გამოყენებითი მათემატიკის ინსტიტუტში

       20 - 22 დეკემბერს (2010) ივანე ჯავახიშვილის სახელობის თბილისის სახელმწიფო უნივერსიტეტის ილია ვეკუას სახელობის გამოყენებითი მათემატიკის ინსტიტუტში შედგა საქართველოს მექანიკოსთა კავშირის პირველი კონფერენცია.

         სამთო ინსტიტუტიდან მოხსენებები გააკეთეს: პროფესორმა დავით პატარაიამ  - „ბაგირ- ღეროვანი სტრუქტურების გაანგარიშების ახალი მიდგომა - ღეროს დისკრეტული მოდელისა და ძალთა რელაქსაციის კომპიუტერული  რეალიზაცია“ (ავტორი – პატარაია დ.) და დოქტორანტმა ედიშერ წოწერიამ – „ვანტური სატრანსპორტო სისტემა მოქნილი სავალი ნაწილით – პრობლები და პერსპექტივები“ (ავტორები: პატარაია დ., ნოზაძე გ., წოწერია ე., ჯავახიშვილი გ., ჯავახიშვილი თ., მაისურაძე რ.). უკანასკნელში  შეჯამებული იყო შოთა რუსთაველის ეროვნული სამეცნიერო ფონდის მიერ დაფინასებული კვლევის (გრანტი #   GNSF/ST09_314_7-130) პირველ წელს მიღებული შედეგები.

         მოხსენების შემდეგ გამართულ დისკუსიაში მონაწილეობა მიიღეს და წარმოდგენილ შედეგებს შეფასება მისცეს პროფესორებმა გ.ჯაიანმა, გ.ყიფიანმა გ.ნატროშვილმა, რ.დუდუჩავამ.

          აღინიშნა წარმოდგენილი მიდგომის – მყარი ტანის დისკრეტული მოდელისა და მისი კომპუტერული რეალიზაციის სიახლე, ორიგინალობა და გამოყენების შესაძლებლობა მყარი ტანის დაძაბულ - დეფორმირებული მდგომარეობის კვლევისას.

         გამოითქვა წინადადება გაფართოვდეს თანამშრომლობა გამოყენებითი მათემატიკის ინსტიტუტისა და სამთო ინსტიტუტის სათანადო ჯგუფებს შორის კონკრეტული, პრაქტიკისთვის ღირებული თეორიული და საინჟინრო ამოცანების გადასაწყვეტად, მაგალითად, წამახვილებული თხელი ფირფიტების ამოცანების შესწავლისას.